Ons grootste geskenk

God het gesien niemand wil hoor!

Ek moet my seun stuur, anders gaan almal net moor

God sê: Gabriel gaan vertel vir Maria sy moenie skrik

Oor nege maande gaan sy lyk asof sy ñ waatlemoen insluk.

Dis die baba Jesus wat sy in haar maag ronddra.

Hy gaan die liewe mense van die wêreld red sonder dat hulle daarvoor vra

In ñ stal in Bethlehem gaan sy geboorte gee

Aan die verlosser, die Here, My enigste seun

Herders gaan by hom kniel en wyse manne gaan hom aanbid

Hy is die enigste Here, die bron van alle geluk

Op die aarde gaan hy loop nes ñ gewone mens

Siekes gaan hy genees, wonders gaan hy doen, want dis my grootste wens

Dat mense Hom volg en almal mekaar sal liefhê en dien

Dis die doel van sy geboorte, dat alle mense eendag die Hemel sal sien

Hy gee vir ons die bybel, die lewende woord

Dis God se handboek en leer ons aan wie alles behoort

Dankie God vir die grootste geskenk

Dat my naam geskryf was van die begin af in U hand

Help ons om elke dag te lewe met liefde en dank

Want u is Ons Vader, ons Koning en God.

© 2016 – 2017, Annalize. All rights reserved.

Deel met jou vriende!
Share

Die Mis

image

Ons stappie in die mis by Kaapschehoop het my laat dink aan my lewe.

Ek het al soveel keer blindelings rondgestap in digte mis. Sonder dat ek weet waar ek is of waarheen ek gaan.

Dan verskyn daar ñ onverwagse verassing in die mis. Iets wat jou asem wegslaan en jou hart vinniger laat klop. ñ Oomblik van loutere vreugde.  ñ Simbool van hoop.

Ander kere moet jy doelbewus kies om die mooi te soek.

Dan begin jy weer die alledaagse mooi raaksien en dit vul jou hart met stille dankbaarheid vir dit wat jy het. Klein dingetjies wat jy in die helder sonskyn as vanselfsprekend aanvaar kry nuwe betekenis.

Wanneer jy dan terugkyk na daardie tyd in jou lewe vorm die mis slegs die agtergrond vir daardie mooi oomblikke.

As die mis wegtrek skyn die son altyd weer. 

© 2016, Annalize. All rights reserved.

Deel met jou vriende!
Share

Nuwejaars voornemings en ander jazz

Ek wil meer skryf.. Ek moet meer skryf. Dit is altyd die eerste ding wat afgeskeep word as my lewe chaoties is. Die sleg daarvan is dat dit die een ding is wat ek broodnodig het om my lewe minder chaoties te maak! So nuwejaars voorneme nommer 1: Skryf, al is dit net een sin per dag.

2015 was ñ Wonderlike jaar. Op 6 Januarie 2014 het ek en my eksman in ñ onbeplande, vreemde whatsapp flirtasie betrokke geraak.

Om dít beter te verstaan moet jy eers verstaan dat ons egskeiding nie ñ gewone een was nie. Ons kon dit nooit heeltemal regkry om heeltemal koudbloedig te ‘skei’ nie. Hy was in ñ gekompliseerde verhouding met die flossie, maar ek en hy…wel dit was nooit heeltemal so verby dat ons kon verander in ekse wat net op ñ formele manier met mekaar kon kommunikeer oor ons kinders se reëlings en behoeftes nie. As ons langer as een minuut in mekaar se geselskap is het ons gekuier.

Die vriendskap band was sterk, maar daar was ook iets anders in die lug.. Ons verhouding was altyd anders as ander mense s’n. Ons het die pad byster geraak en alhoewel hy die een was wat ñ verhouding gehad het het ek geweet ek was ook skuldig in die verwaarlosing en verbrokkeling van hierdie huwelik. Ons het drie jaar gevat om by die punt te kom waar dit werklik verby was. En selfs toe was dit ek gewees wat hom gedagvaar het, alhoewel ons saam besluit het dat dit beter sal wees vir ons.

Hy het in die drie jaar telkemale gesê dis verby en uitgetrek, maar nooit kon hy op ñ punt kom wat hy wou skei nie. Ek was moeg baklei en het geweet dat ek ñ beter kans het om hom terug te kry as ek hom 100% laat gaan. Ek het geweet hy en Flossie sal nie uitwerk nie. Hy moes dit net sien. Ek het altyd met hom gespot en gesê Junie 2014 is ons terug by mekaar! Ek het dit geglo met my hele hart.

Hy het in Oktober 2014 saam met my hof toe gegaan om ons egskeiding te bekragtig. Dit was die slegste dag van my lewe. Ons het saam gehuil. Mekaar ondersteun. Vreemd.. Hy het gesê dit was ñ fout..Die drie jaar voor ons egskeiding was hel. Die onsekerheid. Die hartseer. Die woede. Die alleenheid. Die VREES!
Die dag van ons egskeiding was dit asof ek in ñ vuuroond gegooi is en gelos is om te brand totdat daar net as oorbly. Ek het gevoel asof ek wil doodgaan. Ek het geweet hy gaan nou openlik aangaan met sy drie jaar lange skelm verhouding. Ek het geweet my kinders gaan haar nou moontlik ontmoet. Ek het geweet dat dit verby is.. Ek het daardie aand langs my swembad op die grond gesit en huil..ek het geween vir dit wat ek verloor het en nogsteeds so graag wou hê. Ek het ñ bottel wyn opgedrink. (Die kinders was by hom) Ek was lief vir hom en ek het geweet dat dit ñ liefde is wat op ñ bonatuurlike wyse in my hart geplant is deur die Here. ñ Liefde wat nooit sal doodgaan nie en ñ liefde wat nooit vervang sal word nie.

Ek het gedurende die drie jaar baie sterker geword. Ek was naby aan my Vader. Ek het dit reggekry om te thrive en geluk te ervaar ten spyte van my hartseer en verlange. Ek het ñ doelgerigte lewe geleef en vasgehou aan die Here se beloftes.

Daar het ñ paar dinge na ons egskeiding gebeur..my geliefde eksman het tot bekering gekom. Dit waarvoor ek gebid het het waar geword. Sy en flossie se verhouding het deur ñ krisis gegaan..ek was glo die grootste probleem😋 dit het op ñ punt gekom waar hy haar ware kleure gesien het en self kon aanvaar dat dit nie gaan uitwerk nie.

Ons het gestry en baklei oor die kinders. Die 5de Januarie was so ñ aand..ek kan nie onthou waaroor ons baklei het nie. Ek weet die kinders was by hom. Dink dit het gegaan oor die nuwe meenthuis wat hy gekies het. Ek het gedink dit is nie veilig vir ons 2jarige kind nie..ek het hartseer gaan slaap.

Die volgende dag toe ek terugry van die werk af, het ek ñ jammer boodskap gekry van hom af, iets van jammer dat hy altyd die verkeerde knoppies druk…ek het by ñ petrol stasie gestop en braaf getik as ñ ‘ernstige’ grappie..jy kan enige tyd my knoppies druk. Dit was net daar verby..ons het begin met ñ grapperige flirtasie en wel later was dit nie meer grapperig nie..die res is geskiedenis.

Dit is vir my belangrik om terug te kyk na hierdie oomblik, more presies ñ jaar terug en daardie vreugde te onthou..daardie opwinding te onthou..daardie eerste pynlik mooi, seer lekker, eerste omhelsing en soen te onthou. Die sug van verligting wat hy gegee het, die oorgee aan dit wat ons al lankal geweet het, die samesmelting van twee verlore harte. Hoe ons na mekaar gekyk het en nie kon glo dat hierdie nagmerrie verby is nie.

2014 Was ñ wonderlike jaar, maar dit het ook sy uitdagings gehad. Ons kinders was jaloers op ons nuutgevonde liefde, ons moes deur ñ paar dinge werk en die belangrikste..ons moes tyd inruim vir romanse en gesels. Ek wonder hoe doen mense dit wat elkeen kinders van hulle eie het? Ons moes weer aanpas as ñ couple. Ek was baie onafhanklik en jaloers op my alleentyd..en hy het dit ook nodig gehad.

Nou lê 2015 voor en ons is altwee 10kg swaarder..Geluk het ñ prys! Ons is weer saam in ñ ratrace met drie demanding kinders, finansies wat moet klop, dinge wat breek, werk wat eise stel..ja mense die sprokie het so effens sy glans verloor.

Wat wel nie glans verloor het nie is my dankbaarheid en liefde. Elke oggend word ek wakker en as ek hom sien dan sê ek dankie Here.

So my tweede nuwejaarsvoorneme..is om te LEEF!
Die lewe is kort. Geluk is nie ñ given nie. Waardeer mekaar, flirt met mekaar, koester mekaar, soen mekaar, hou mekaar vas, gaan slaap saam met mekaar in die aand, wen mekaar elke dag, maak tyd vir mekaar en speel met mekaar. Wys jou liefde elke dag. Praat met jou hartsmense. Gryp elke oomblik. Sien die mooi raak en hou moed wanneer dinge nag raak. Ek glo in wonderwerke!

Happy 2015!

© 2015 – 2016, Annalize. All rights reserved.

Deel met jou vriende!
Share

Oukersdag…facebook…en Marionette

Ps 37:3-6 ‘Trust, lean on and be confident in the Lord and do good; so shall you dwell in the land and feed surely on his faithfulness, and TRULY you shall be fed. Delight yourself also in the lord, and He will give you the secret petitions of your heart..’

Nou ja..die versie het aan my moeilikheid besorg. Wie sou dit kon dink?
Dit het my laat dink aan hoe oppervlakkig sommige mense na die lewe kyk. Hoe geestelik arm mense is en hoe naïef en kinderagtig hulle is. Ek broei bietjie in die seer en die onregverdigheid van die lewe. Dit was gister my eerste Kersdag as ‘n geskeide vrou. Ek het myself voorberei om die Oukersdag en Kersdag met iets positiefs te vul. Ek het ‘n plek bereik waar ek dit selfs kon regkry om weer in liefde na my eksman te kyk en ek het selfs probeer om uit sy Pappa hart na die aankomende Kersfees te kyk. Ek het ‘n prentjie gehad van hom alleen en hartseer. Geskenke gekoop, tyd spandeer om te dink wat hy spesiaal sou vind. Ek het hom genooi om deel te wees van oukersaand omdat ek hom jammer gekry het. En wat was toe die secret petitions van sy hart…wel nie die bybel wat ek gekoop het nie (wat hy in elk geval nie sal kan gebruik nie, want ek het daarin ook ‘n bybelvers geskryf en sy sal aapstuipe kry), nie vrede nie, nie liefde nie..net dit wat die laaste drie jaar sy begeerte was.

EK het ‘n oproep gekry oukersdag waarin hy my uitgetrap het omdat ek ‘n bybelvers op sy Facebook bladsy gepost het en fotos van ons kinders gelike het. ‘n Oproep oor so iets kleinliks op ‘n dag wat al klaar bitter moeilik vir my was. En dit nadat ek hom gevra het om nie vandag iets vir my te sê wat my ongelukkig sal maak nie.’n Oproep wat vreugde by my kinders gesteel het, want ek moes opgewondenheid fake die heel dag en hulle voel dit aan.

‘n Redelike skynheilige oproep, want ons het die vorige middag lank daaroor gepraat. Redelik emosioneel en vreugdevol. Ook honderde boodskappe en ‘n paar uurlange oproepe gehad die afgelope twee weke.

My grootste hartsbegeerte was dat hy die Here vind en ek het saam met hom gejuig oor dit. Op ‘n geestelike vlak het ons geconnect vir die eerste keer vandat ek hom ken. Wel, dit het nie lank gehou nie, want na ‘n gesprek met die object van sy desire het hy my beskuldig dat ek dinge vir hom moeilik maak met my ondersteuning en omgee. Dat hy haar verskriklik seer gemaak het en dat sy vertroue issues het oor MY. Bla bla bla! Die situasie is so bizarre dat dit eintlik ‘n lekker lag kan inspireer. Dit laat my dink aan wat sy dink die secret petitions van my hart is. Om hom terug te kry? Dalk dink sy ek het een of ander verskuilde boodskap na die wereld toe uitgestuur.. Nee wat jonge dame..dit is beslis nie dit nie. Liefde gaan nie dood in ‘n dag nie. 19 Jaar van jou lewe is ‘n baie lang tyd. Liefde het verskillende fasette en kleure. Ja, die ideaal sou gewees het dat ons as gesin bymekaar moet wees, maar die realiteit is dat ek en die kinders die prys van hulle ongoddelike, ongeoorloofde liefde was. Verraad het op so baie vlakke plaasgevind. Bekering is ‘n fantastiese belewenis, maar dit verander nie die effek van jou sonde nie. Dit verander nie die feit dat jy hoor hoe jou kind, vir haar nefie wat vir haar vra waar haar Pappa is, moet verduidelik dat Pappa nou in ‘n ander huis bly nie. Dit maak nie jou hart heel nie. Dit is nie ‘n miracle cure vir jou kinders se pyn nie.

Wat is die secret petitions van my hart? Dis reeds vervul. Ek sal nou maar net in stilte daaroor moet juig. Ek wonder net hoe die derde persoon dink ons vir die volgende dekades wat ons saam ouers is vir ons dogters reëlings moet tref. Soms deel jy jou kinders se vrese en hartseer met mekaar en ook hulle vreugdes en oorwinnings. Soms wil jy dit net met hulle Pa deel, want hy is die een wat verstaan. Haar jaloesie maak my bekommerd oor hoe sy na my kinders gaan kyk. Hulle sal tien teen een altyd as ‘n bedreiging gesien word. Sy gaan tien teen een ook drie wil hê net om op dieselfde vlak ‘n houvas op die arme man te hê…nou dit is ‘n prentjie wat my wil laat skaterlag! Hier kom ‘n laaaang Kombi.

Ek het gekies om bietjie in hierdie donker plek te dwell…dit klink soos selfsug, maar eintlik is dit ‘n goeie oorlewings meganisme. Die vreemde ding is dat ek eintlik nie soveel pyn en ellende ervaar het die laaste tyd nie, maar verbittering het na daardie oproep ingeskop en ek het kies om net so bietjie daar te bly. Ek was bietjie aspris en bitsig. En ek het dit so geniet.

Selfs dit gaan verby. Ek is in ‘n baie opwindende fase van my helingsproses. Ek huiwer effens op die drumpel van opgewondenheid, want ek weet dat daar ‘n toekoms vol opwinding, passie en liefde vir my wag. Nie net liefde wat ek in oorvloed al klaar ontvang by soveel wonderlike mense nie, maar liefde gee. En dit maak my vel kriewelrig van opwinding. En nie passie wat jou na jou asem laat hyg nie, maar ‘n passie vir die lewe.

Pyn, bitterheid, woede, depressie, angs, selfbejammering is alles normale reaksies op egskeiding. Ek voel nie skuldig oor een fase waardeur ek gaan nie, want dit is nodig. Ek lag baie oor prentjies wat ek in my kop kry oor die tweetjies saam. Ek kan baie humor raaksien in my situasie en dit help my om nie heeltyd te gaan na die prentjies wat ek in my kop kan sien wat pyn veroorsaak nie. Ek laat dit ook toe, want dit is nodig sodat jy die realiteit kan ervaar. Die prentjie van jou eksman wat op sy knïee in die stof rondkruip met toutjies aan sy ledemate, wat getrek word deur ‘n vrou wat hierdie speletjie wat sy besig is om te speel so geniet, is net ‘n soveel lekkerder prentjie om na toe te gaan. Hoop hy het allergex vir die stof en Dettol vir die modder. Wonder waste liedjie moet in die agtergrond speel? Ek gaan vandag gebruik om bietjie daaroor te dink.

© 2013 – 2016, Annalize. All rights reserved.

Deel met jou vriende!
Share

Dood sonder ‘n graf

image

Die dood sonder ‘n graf
Jy bou ‘n monument in jou hart
‘n geheime plek waar jy kan kniel
‘n Veilige plek waar jy kan ween en dankie sê
‘n Plek waar jy ‘n blom kan neersit
Herinnerings kan herleef
Waar jy in die lig kan bid
Vir ‘n lewe wat verby is
En lewe wat begin
Dooie bene wat lewend word
In jou hart en in jou gees
‘n beeld van ‘n nuwe mens,
want dit het die Here geweet
was jou grootste wens

© 2013 – 2016, Annalize. All rights reserved.

Deel met jou vriende!
Share

Huwelike

Malachi 2:13-15 And this you do with double guilt; you cover the altar of the Lord with tears shed by your unoffending wives, divorced by you that you might take heathen wives, and with your own weeping and crying out because the Lord does not regard your offering any more or accept it with favor at your hand. Yet you ask, Why does He reject it? Because the Lord was witness to the covenant made at your marriage between you and the wife of your youth, against whom you have dealt treacherously and to whom you were faithless. Yet she is your companion and the wife of your covenant made by your marriage vows. And did not God make you and your wife one flesh? Did not One make you and preserve your spirit alive? And why did God make you two one? Because He sought a godly offspring from your union. Therefore take heed to yourselves, and let no one deal treacherously and be faithless to the wife of his youth.
For the Lord, the God of Israel, says: I hate divorce and marital separation and him who covers his garment his wife with violence. Therefore keep a watch upon your spirit that it may be controlled by My Spirit, that you deal not treacherously and faithlessly with your marriage mate.

Ek ROU oor my huwelik wat verby is. My hart huil en ek weet die Here, my God huil saam met my, want dit was nie Sy plan vir my huwelik nie. Was dit in God se wil dat ek geskei is? Nee.. Dit was as gevolg van ñ keuse wat gemaak is deur ñ mens wat in duisternis geleef het. Satan se wil het geskied. Die waarheid is gespreek reg na ons egskeiding… Dit was ñ fout..
Huwelike is heilig in die oë van die Here.
Die Here is teenwoordig by die verbond wat gesluit word tussen man en vrou.
Hy was getuie..dalk trou mense te vinnig..soms moet jy vir jou eie veiligheid skei..maar soms het dit bloot te doen met die onvermoë om in waarheid te lewe en dan loop dinge skeef.

Ek sou hierdie vrydag 16 jaar getroud gewees het. Al wat ek onthou was hoe lief ons mekaar gehad het. Hoe sterk die konneksie was. Hoe ons nie kon ophou kyk na mekaar op daardie dag nie. Hoe daar nogsteeds ñ konneksie is.. Die lewe gebeur..mense maak foute..party mense besef dit en werp alles in die stryd, ander is nie bereid om die keuse te maak nie.

Keuses het gevolge. Die gevolge kring uit na almal in jou lewe. Dit is soos ñ kosbare, familie erfstuk blompot wat val..jy plak dit met superglue vas, maar dit lyk nooit weer dieselfde nie. Dit beteken wel nie dat die blompot vir JOU waarde verloor nie. Dit lyk dalk anders, maar vir jou bly dit kosbaar. Die ander mens wat ook aan die blompot waarde geheg het kan nie daarmee deal dat dit nie perfek is nie..wil dit wegsteek in ñ kas of dit vervang. Dit verander nie die feit dat die blompot daar was nie.

Pas mekaar op, pas gesinne op. Waak teen versoekings en leuens. Lewe in die lig en die waarheid.
God kan mense en situasies in ñ oomblik verander. Vergifnis en genade is verniet en BEVRYDEND…maar dit verander nie die feit dat God huil oor elke huwelik wat in die skeihof beland nie. So ek gaan ween en treur oor hierdie daad wat deur God as geweld gesien word..dit ís geweld. Dit pluk jou uitmekaar..

20131216-104526.jpg

© 2013 – 2018, Annalize. All rights reserved.

Deel met jou vriende!
Share

Lewe

24/08/2013

Ek sit onder ñ boom wat besig is om te bot.  Van naby af kan jy dit nie eens sien nie.

Onder is die stam swart van twee jaar terug se byna vernietigende brand. As jy ñ paar tree terug staan sien jy die heldergroen nuwe blaartjies aan die bopunt van die boom.
Soms moet jy ñ paar tree terug staan om die volle prentjie te sien.

Wat is dit aan dood wat ons laat dink aan lewe en hoekom dínk ons aan lewe as ons klaar lewe?

Ons is so broos, kwesbaar, nietig en ménslik.
Ons het die vermoë om te kies wat ons doen met dit wat ons het. Ons kan nie altyd beheer wat met ons gebeur nie, maar ons kan kies hoe ons optree.
Die pad tussen ons gedagtes en ons hande is soms te kort en ons kies verkeerd.
Daardie keuses het soms hartverskeurende gevolge.
Ons kan kies om dit wat kosbaar is te koester.
Soms moet mens terugstaan en kyk.
Soms moet mens stilstaan en luister.
Soms moet ons ons arms om onsself slaan en voel.
Soms moet ons net na mekaar toe draai en weer sien.
Soms moet ons iemand se hand vat en vashou.
Soms moet jy kies om oor te gee en soms moet jy kies om om te draai..
Soms moet jy kies om iets wat kosbaar is agter te laat, want dis ál wat oorbly om te doen..Al breek dit jou hart, maar jy gee nie op nie..jy gee net oor aan die Here.
Selfs dan moet jy lewe, want ñ stukkende hart laat jou nie ophou asemhaal nie.
Liefde is veronderstel om verniet te wees, nie ñ sinnelose spel nie.
Wanneer liefde gemeet word aan verdienste..is die prys te duur.

20131215-141611.jpg

© 2013 – 2016, Annalize. All rights reserved.

Deel met jou vriende!
Share

Die Dans

image
Sy het gedans
Arms omhoog
Sy het gedans
Met blinde geloof
Sy het gedans
Om haarself te vind
Sy het gedans
Met niks wat haar bind
Sy het gedans
Met haar oë gesluit
Sy het gedans
En vergeet van tyd
Sy het gedans
Alleen gedans
Op die ritme
Van ‘n nuwe kans

© 2013 – 2016, Annalize. All rights reserved.

Deel met jou vriende!
Share

Gebreek

05/2013

In die lig van die dag
In die stilte van die nag
Beleef ek die seer
Wonder ek, hoe kon dit gebeur?
Dat jy, my beste vriend
My man
My so kon verraai
My opsetlik kon verstoot
Hoe vergeet mens die daad
Wat met vennyn en kwaad
Jou gees vertrap
En jou siel verswart
Hoe vergeet mens die pyn
Wat met vuur en vlam
Jou hart laat breek en
Jou liggaam laat knak
Hoe onthou mens weer
Om te vertrou
In jou woord en daad
Sonder twyfel en met oorgawe
Te glo dat ons twee weer
Heel en een
Saam sal leef

© 2013 – 2016, Annalize. All rights reserved.

Deel met jou vriende!
Share