Vrou van Staal

Agter die wasem voor die spïeel
Staan sy naak grotesk
Haar lyf simbool van leef en gee
haar siel beseer kompleks

Haar naam is Anna vrou van Staal
haar wêreld koud en grys
min mens verstaan en praat haar taal
haar oë is oud en wys

Sy ken ñ pad wat kronkel draai
deur donker woud oor klip
sy is veel keer vermink verraai
verloën met daad en lip

Haar stilte is ñ koue muur
ñ skans wat seer uithou
In haar woed die hel se vuur
geen tyd vir spyt berou

Onder al die pantser staal
skuil daar ñ vrou van vlees
Haar lyne vertel ñ stil verhaal
van haar verweerde gees

© 2015 – 2016, Annalize. All rights reserved.

Deel met jou vriende!
Share

Lief

Toe ons jonk was
Het die vraag
Hoe lief het ek jou?
Woorde laat tuimel
Uit my mond laat val
Sonder om te dink
Het ek jou lof besing
Met my alles, my hart
Uit die dieptes van my siel

Nou na dekades saam
Is die vraag
Hoe lief het ek jou nou?
Een wat my laat blaai
Deur die argiewe van my hart
En dan dwing om te stop
By beelde en momente
Van soete vreugde en passie
Die hel van pyn en berou

Dan my Lief,
Kyk ek op in jou dierbare oë
En antwoord jou
Met brose eerlikheid
Ek het jou lief
Net soos jy is.
Perfek onvolmaak
Net soos ons is.
Gelap en gekraak

© 2015 – 2016, Annalize. All rights reserved.

Deel met jou vriende!
Share

Vry

; ;
Aan die voetend van die majestieuse berg
Met die son sagkens agter geelhout verberg
tussen bergvaring en sagte mos
Speel my kind.

Dartel haar voete oor klipplaat en rots
Gryp haar vingers na veldblom en bas
Trap haar vrywees
spore in my hart

In die skadu van hierdie majestieuse berg
Met die wêreld agter wit wolke geberg
Tussen bergwind en ysige strome
Lééf my kind.

© 2015 – 2016, Annalize. All rights reserved.

Deel met jou vriende!
Share